دارالافتاء جامعۃ دارالفقہ کراتشی

تعارف

دارالافتاء جامعہ دارالفقہ کراتشی پاکستان میں قائم ایک ایسا ادارہ ہے جو عرصہ پندرہ سال سے نہ صرف پاکستان بلکہ بیرون پاکستان بھی مقیم مسلمانوں کے روز مرہ فقہی اور دیگر شرعی مسائل میں رہنمائی فراہم کررہا ہے۔ الحمد للہ! یہاں تمام خدمات خالصتاً فی سبیل اللہ فراہم کی جاتی ہیں ، اس مقصد کےلیے ایسے معتبر و مستند مفتیان کرام اور اہل علم کی خدمات حاصل کی گئی ہیں جو دینی علوم میں مہارت کے ساتھ ساتھ عصری و دنیاوی علوم اور جدید مسائل سے بھی واقفیت اور کامل دسترس رکھتے ہیں۔ ان کے ساتھ تربیت یافتہ، مستعد اور ذمہ دار معاون عملہ بھی شرعی سوالات کی وصولی ،ترتیب اور دیگر متعلقہ انتظامی امور میں اپنی خدمات انجام دیتا ہے۔